Femmana presciantara, la femmana caddhipulina,
cu l’occhi niuri, beddha, sperta e mutu fina.
Te quandu nasciu stu scoju s’ha data iddha te fare
cu difenda Caddhipuli, recina te stu mare.

Cu difenda stu paese, paru cu l’ommini ‘a cumbattutu
percè a forza te l’amore forte a ‘mpiettu ave tanutu
e siccomu lu nemicu te mare poi ‘rrivava,
‘nfacciata te su lu muru, oju cautu ‘nde manava.

Moi nu te canuscu cchiui topu tantu ca hai fatijatu,
Caddhipuli sta more, è tuttu stracangiatu.
Timme, femmana, ci ghe ca hai? Ieu cusì t’aggiu bitire?
A quai tuttu s’ha farmatu, sulu te poi risurvire.

Perciò ‘nfordechete le maneche e datte moi te fare,
tocca a te caddhipulina stu paese sestimare,
ca paru cu lu sangu, tieni u mare intra le vine
e lu ientu t’ha iutare cu te ‘ndessi te intra e spine.

‘Nforza t’hai te disciatare ca hai pijare a manu e carte,
basta, mutu hai già turmutu e t’ane misa poi te parte.
Ci teveru quistu scoju oi cu biti profumare,
tocca a te caddhipulina, teve sula lu poi fare.