Na ota, pe sapire l'avvenire te li fij
o addri problemi ca la famìja tanìa,
to femmene, 'nterassate, quandu scuria,
'nanzi 'mare, santa Monaca, ca canusce
lu futuru, bbiene te dummandare.

La credenza era: ci mienzu allu silenziu
acqua se sentìa manare, segnu era te lacreme mare;
ci mbece farci fanescia se santìa chiutìre
era cuntantezze ca la famìja putìa cutire.

Mò li tiempi su cangiati e a santa Monaca
ciujeddri cchiui crite; ma quandu 'ncè ntaressu
ca la pultrona s'à salvare, pè sapìre lu futùru,
'ncora a ddra santa se ota farcincunu.

Buttiglione e D'Alema, caddripulini te nascita
e t'atozzione, dra vanda sciaroccu l'addra sera
se tesara oce cu se trovane quandu se facìa scuru
e la gente chiusa casa pe lu jentu te lu muru.

Ulìene saccene te iddra ci lu DDL, chiamatu
DICO, vene te lu Parlamentu approvatu;
te li ministri Pollastrini - Bindi parturutu
cu lu jutu te quiddru te l'interni Amatu.

Se misara cuntare cu tonu sarenu pe  spiecare
alla santa la vera situazzione e ci 'ncete 'ntesa
tra i pulitici cu pozza approvare stu DDL
ca sta dammaggia li cattolici e la Chiesia.

"Personalmente, tice lu prossore, la chiamu
legge cumbinata cu scascia la famija tratizziunale,
cuntrazia alla natura umana e fiacca cunzìjera
pe lli rischi ca mò ne se potene pe njenzi cunzitarare.

La Chiesia time propriu quistu, ca ci lu Statu approva
le unioni te fattu, rruvina la famija naturale,
l'unica vera te quandu s'à criata l'umanità
e apre alli carusi, te le nove generaziuni cu pìjene
sta strata, senza futuru, cu muta facilità.
Perciò tutta cumpatta sta se ddammaggia,
'nzignandu te lu Vaticanu , cu ferma li giacubini
e lu presidente te la C.E.I., cardinale Ruini,
à prumessu na nota "vincula cuscienze" pe li cattolici
parlamentari a cominciare te Mastella e Casini.

Lu Massimu raspunde: "Ieu sacciu ca mienzu alli cattolici,
'nc'è ci nu 'mbole sse fazza te iddru cundizziunare;
i sessanta te la "margherita"rispettane la chiesia e la sua posizione
e la difendene te quiddri ca olene 'nde ttappane la ucca,
parcè nella sua "pastorale" tocca testimonia ai fedeli
quiddru ca pretaca pe dovere te missione".

Ma ribattene puru ca lu Statu ete la casa te tutti
e a tutti li cittadini, ci 'nde ttocchene, à dare diritti;
stu DDL tutela quiddru ca te anni nu era cupertu
e recula situazioni te sofferenza te 500.000 coppie te fattu.
E poi, nu ài 'ntisu l'altolà  te Scalfaru a Ruini?

"I diritti e la dignità te tutte le parsone,
su stati  li temi comuni a tutti li Patri
ca 'ane scrittu, topu la guerra, la Custituzione.
La Chiesia è libbara ccunta alle singule cuscienze
ma nuddru ducumentu pote limitare,
alli cattolici parlamentari, la loru libertà,
l'unica ca cunsente cu sse assumene, 'nnanzi
ai loru elettori, la personale responsabilità".
"Ma, timme Roccu", continua lu cumpagnu,
"ciujeddri mò 'nde sente, timme cu sincerità,
'nci suntu partiti e singuli parlamentari
cuntrari veramente a stu pruvvetimentu?
O ete opara te facciata contro la maggiuranza
ccu sse ccattene lu favore te li punzignuri
vistu ca stu DDL nu bbene fattu sulu pe lli ricchiuni,
cà 'nci suntu intra tutti li partiti,
- e nu sulu a sinistra, comu tice Berlusconi -
eppuru intra l'esercitu te lu cardinale Ruini?

"Certu, raspuse lu prossore: tutta la CDL senza eccezione."
"Cu tuttu lu core lu Cavalieri difende la vera unione
e, fedele alle sante tradizziuni, a marzu te lu '65,
intra lla Chiesa na femmana s'à spusatu
e, dopu mute staggiuni d'amore, save separatu.
Se sposa naddra ota, ma sulu civilmente e de
tandu nu urzu 'nde 'ntussaca lu core, pansandu
ca nella vita nu sulu partite s'à pututu ccattare,
ma cu 'mpatta quiddra cu li Santi nu ave mancu tantatu,
sfruttando macari dra facce te martire beatu".

"Calderoni, l'ex ministru leghista, nemicu te li DICU,
difende a spada tratta lu matrimoniu te Chiesia,
ma nu è mai trasutu. Na fiata sula s'à spusatu
cu ritu "celticu", presente lu sinducu Formentini
e, dopu to anni, st'unione s'à rutta e mò vive te separatu".

"L'addru, lu Casini, (me 'nde scornu Massimu te la ticu)
è diventatu capu difensore te l'unità te la famija,
ma la sua nu l'à saputa mantanire.
Alli anni '80 nnanzi allu Signore
à giuratu a mujerasa l'eternu amore,
ma dopu to fiji c'à bbutu puru iddru à divurziatu.
Mò cunvive e nu se dalluja c'à ruttu lu vinculu sacramentale;
se dammaggia, 'mbece cu binca la battaja parlamentare.


Nu bia lu Roccu spicciatu te tire ste parole
ca lu Massimu stracangiacu la facce te culore.
"Ci quisti su esempi pe fare pressioni t'influenza
sui cattolici, ca già allu Parlamentu su minoranza,
criu ca la partita ete persa in partenza.
Nu capiscu, però, comu mai nuddru te li previti
ave zzatu oce cu li scunfessa sse stane meju queti".

"Lu Martinu, ex ministru te Forza Italia,
tice te botta lu Roccu, te laicu-liberale,
contrariu alle coppie te fattu, à dichiaratu
ca prova disgustu e detesta dri pretacaturi
cu mujeri bandunate e fije tratite
olene imponene lu valore te la famija a ci nu crite".

Dopu quantu 'ndà scappatu, lu Roccu se 'ntise mancare
e, senza dare segnu, dammanda: "Timme in cuscenza,
timme Massimu, te stu prublema Prodi ci nde pensa?"

Raspunde lu cumpagnu: "Lu matrimoniu
pe iddru resta la cosa principale e lu sou,
benatittu te Riuni, lu vive 'mpace cu serenità
e, cu lla fede intra lu core, supara le difficoltà.
Ma lu postu ca occupa lu custringe fazza distinzione
tra fede e pulitica e, puru ci cunsitara l'offensiva
te la Chiesia sproporzionata, ca time tantu
lu male, ca lu vite cchiù crossu te quant'ete,
cerca cu evita lu scontru ccu lli cardinali,
sustenendu ca la legge, umana ed equilibrata,
nienzi lleva alle famije ma tae tiritti a tutti li connazionali.
È stata, tice, na tecisione prima te li voti cuncurdata,
perciò ttocca lla difende cu pozza essere approvata."

A stu puntu te lu tascurzu pare ca a Santa Monaca
tuttu 'ndera chiaru e du lu futuru te lu DDL nu sippe ci dire,
vistu ca te lu celu a catineddre l'acqua se mise a catire:
porte e fanesce sèntisara chiutire
cu nu pozza l'acqua intra  ccasa trasire.