Ogn’annu te li voti, mmana mia,
Caddhipuli se mbuta t’allecria,
puru lu fasciu ccu li comunisti,
li janchi, li russi e lli soggialisti.
E te nu pensi certu a tradimenti
ca inchene le posce alli putenti.

Caddipuli sì beddha e ‘namurata
susu quiddh’acqua frisca ‘nargiantata,
Caddhipuli vinduta a picca a picca,
a tanta tanta gente mutu ricca,
ca spende li mijuni a centanare,
a ommini ca se facene ccattare.

Ma, quandu le steddhe sprendene a mijare,
te surgi comu varca mmienzu mmare,
e puru ci susu l’acqua stai chiantata,
Caddhipuli mia, te nascisti spurtunata!
Caddhipuli, a mme dai tantu dulore,
nun’essene cchiui te ucca le palore.

E sciandu allu  “Ditteriu”  de li ‘ntichi,
palore ca te tant’anni le mustichi,
me tici sempre comu crande sartu:
<<‘Ngiò, tira cchiù lu pilu ca lu ‘nzartu! >>
E comu ppe spantura imu ccappatu,
c’a ‘nterra ha sturtijatu ‘u candidatu.

E stozzu, stozzu Caddhipuli è vinduta,
quist’addha fiata puru t’hane futtuta.
Ma, nu more, nu more quistu scoju,
c’addhunca nc’è na lampa nc’è patroju,
ddh’assusu unu nasce pasce e mmore,
fuscendu addhai te lassu quistu core.

E bbe castimu lu mumentu e la sorta
parcè Caddhipuli iti fattu morta.
E ddhu crande Diu, ccu nde quarda,
tutti quiddhi ‘nfami ccu li arda,
a tutta quiddha fiacca fiacca gente,
ccu lli sturtija comu na sarpente.

Ulia tte jutu, ulia ccu tte sulleu,
ulia tte tau tuttu lu bene meu,
Ulia ccu sacciu ci te quiddhi è statu,
c’ha fattu scumparire lu basulatu,
la funtana de lu fasciu cci fine ha fattu,
ca nda rrimastu sulu lu litrattu.

Quiste e addhe cose ulia ccu dicu,
 ccu spiccia quista sorte maladicu.
Simu ccappati a mmienzu alli mbrujuni,
a core pertu dicu: “disciatatubbe cuggiuni ! “