Mpisa a nu filu mmienzu ‘lla strata
staci spetta la caremma cu essa brusciata.
Ete na vecchia tradizione te lu caddipulinu
ca ogni annu vene sparata a nnanzi u rivellinu.

Puru allu burgu nou ete ricurdata,
te na turre all’adda mpisa a cchiui te na strata,
spaurisciatu la cuarda lu vagnone
brutta te cancuru,vastuta a niuru te face mpressione.

Nu burtucallu a li pieti tene ttaccatu,
cu sette penne te caddina ndane ficcatu
quistu ritu è mutu nticu, la cultura ete cristiana,
nde racorda la quaresama finu ‘llurtima samana.

Tiempu te penitenza e de luttu,
tiempu te passione,Cristu è mortu,
giurnu te calendariu lu cchiu bruttu
finu quandu rriva Pasca ca è rasortu.

E cusì ogni annu ncè muta ‘ttenzione,
ci face meju la caremma ‘llu propriu rione.
Vandisciandu li vagnuni critene….è meju a mia,
spettene cu rriva Pasca e cu la bruscene a menzatia.